عدلت روحها.. سشورت شعرها ..لبست غير
الماركا
ساعتين قدام لمراية ..لاماش يا ديرها هكا.. ولا تديرها هكا
***
الماكياج ماخلاتش وبورتابل في يد والصاك في اليد الخرى
وراحت سي لاّلاّ تمشي خطوة خطوة وتتمايل كي لفعة الصحرا
***
ما تسمع غير صوت الطالو يخبط
مع تشوفها ياخويا مورالك يهبط
***
ديراكتمو تلاقاها عند صاحبها فرحانة
وتبدا تتبسم وتهّبط راسها زعما حشمانة
***
كلمة من عندها وكلمة من عندو وهوما ماشيين
والوقت يفوت وهوما موش حاسين
***
قاتلو سميرو اذا تحبني قولها
المسكين بالاك ماكملش البريمار وقالها {ها}
***
قاتلو بلا ما تتمسخر أزرب قولي قبل مايخرج بابا وهذيك الساعة واحد مايفريها
قالها ماتخافيش كان يشوفنا نقولو بلي راني خوها
***
ومبعد حاب يكون رومانسي وشاف وردة عطاهالها
***
قاتلو وهي حشمانة من قلبك؟
قالها لالا من الجنان الي قدامك
***
سكتت ومبعد قاتلو قولي 3كلمات كلمة تخلي قلبي يحبس
قالها باباك مورانا
***
و كلمة تخرق قلبي
قالها مسمار
***
وكلمة تهزني الفوق وماتهبطنيش
قالها بيان سير خيط تريسيتي يخبطك وماتفيقيش
***
زعفت وقاتلو خلاص ماتهدرش معايا
قالها شوفي عندي يا بايا
***
وسكت شوي قالها واو نشوف الدنيا في عينيك
فات عليهم شيخ كبير قالو : شوف تعيش بالاك تلقاري حماري الله يرحم والديك
***
صمطوه ورجعو لحكاياتهم
قالها حقا عجبك الكادو نتاعي
***
قاتلو القورمات جاتني بصح المناقش كبار عليا
ضرك نرجهوملك باه يفكروك بيا
قالها في قلبو : الناس يمشيو مع البنات ونا نمشي مع المهرجات
***
وفي نفس الوقت هي قالت في بالها: البنات يمشيو مع سيد الرجالة ونا نمشي مع
سيد الجهالة
***
السبت نوفمبر 02, 2013 3:31 pm من طرف yahia cherif
» عاشورااااء
الأحد نوفمبر 18, 2012 11:03 pm من طرف yahia cherif
» الصوفية في قصائد الأمير عبد القادر .
الأحد نوفمبر 18, 2012 1:13 am من طرف yahia cherif
» ارفع راسك انت شاوي .. والثورة من رحم الشاوية
الأحد نوفمبر 18, 2012 1:10 am من طرف yahia cherif
» سلسلة الفوائد : العدد الرابع : تاريخ المغرب الإسلامي باختصار
الأحد نوفمبر 18, 2012 1:05 am من طرف yahia cherif
» بهلول وهارون الرشيد
الأحد نوفمبر 18, 2012 1:03 am من طرف yahia cherif
» حقيقة الدولة الفاطمية
الأحد نوفمبر 18, 2012 1:01 am من طرف yahia cherif
» مجموعة كتب مهمة جدا في تاريخ الجزائر
الأحد نوفمبر 18, 2012 12:59 am من طرف yahia cherif
» ذي القرنين و يأجوج و مأجوج ....... القصة الحقيقية
الأحد نوفمبر 18, 2012 12:56 am من طرف yahia cherif